بسم الله الرحمن الرحيم
السلام عليكم ورحمة الله وبركاته
...
أهلي يقولون عني إني مدمن انترنت بس أنا ماكنت حاس في نفسي
لأن اللي يجابل شاشة الكمبيوتر يسرقه الوقت ما يحس في الوقت إلا يمر بسرعه
بس اللي يحبونا ويحبون يقعدون معنا يحسون ببطئ هذا الوقت
....
ماعلينا
.....
حلمت اليوم حلم من خلال هذا الحلم
تأكدة إني فعلا مدمن انترنت
......
حلمت إن امريكا قررت تهجم على الإمارات
وأول ما سمعت الخبر هذا قلت للوالد أكبر منطقه راح تتضرر أهي منطقتنا خنروح لمنطقه ثانيه في الدوله أظمن وأأمن
الوالد ما صدق إلا لما بدت أمريكا الهجوم ورمت ثلاث قنابل علينا
وتضرر بيتنا شوي
هنيه الوالد تأكد وقال خلص لموا أغراضكم الي تحتاجونها حيل وخلونا نمشي على منطقه آمنه
وقمت أنا وخواني ناخذ الاغراض الي محتاجينها ضروري
وأنا أصلا كنت احط خرابيط ماعرف محتاجهم ولا لا
ولما جيت بطلع تذكرة ان في شئ محتاجه بس ماعرف شنو بضبط
حاولة اتذكر حاولة أتذكر
آخر شئ تذكرته
قرآن أهداني أياه أخوي في الله
قعدت ادوره ولقيته محطوط على طاولة الكمبيوتر آخذته وجيت بطلع من غرفتي شفت جهاز الكمبيوتر شغال
قمت وطفيته وطلعت ولما وصلت للسياره بركب
قالت لي الوالده عندك كتيبات اذكار
قلت لها ايه
قالت لي روح هات لنا وتعال بسرعه
جيت ركض غرفتي افتح درج الكمدينو اطلع الكتيبات سمعت مثل صوت كمبيوتر شغال
ولما صديت صوب الكمبيوتر طلع فعلا شغال
ولما قربت جنبه استغربت انا طفيته شلون رجع واشتغل
المهم ابي اطفيه بسرعه وانا مستعجل بطلع
قلت مافيه غير أطفيه بالطريقه غير الآمنه أني اظل ضاغط على مفتاح التشغيل اللين يطفى
وظليت ضاغط وما طفى
شوي صارت الشاشه ورديه وفيها بقع حمره
وشوي بدأ فلم
ناس إماراتيين يركضون وشوي تنزل طياره وفيها جنود إمريكان نزلوا منها وقاموا يذبحون الناس
وطلعت كتابه فوق بالانجليزي ذكر فيها ان هذا مخطط إمريكا اهو تدمير الامارات
رحت ركض لأبوي وقلت له وقلت له الجهاز مو راضي يطفي
قال لي طف الجهاز من الكهربا
وفعلا طفيته من الكهربا وطفى
لكنه رجع واشتغل
فقلت له اشتغل قال لي افصل الوايرات
ولما فصلت الوايرات طفى وظل فترة طويله طافي
قلت زين الخطه نجحت
لكنه رجع واشتغل وكتب لي
don't try to close it, it is still working
الحين شنو الحل الجهاز معاند ويتحداني
إبي اطفيه مابي أخليه شغال واروح لأن ماعرف كم بدوم المده
كنت خايف على الجهاز من العطل
ولما قعدت من النوم
تأكدة إني فعلا مدمن انترنت
ماخفت من الحرب ما خفت من اي شئ غير اني خفت لا الجهاز يخترب
ولله كنت ذكي بالحلم الحين بتصير الحرب
لما برجع بحصل الجهاز مكانه مو صاير فيه شئ!!
ليست هناك تعليقات:
إرسال تعليق